G÷nguskÝ­asvŠ­i
Mi­fell
Byrjendalyfta
Gautur ═var Halldˇrsson | f÷studagurinn 30. oktˇberá2015

Laus st÷rf - Afgrei­sla Ý skÝ­askßla

Skíðasvæði Ísafjarðarbæjar óskar eftir að ráða starfsmann í afgreiðslu í skíðaskálanum Tungudal. Um er að ræða hlutastarf þar sem unnið er seinnipart dags á 4 tíma vöktum virka daga en 7-8 tíma vöktum um helgar. Ráðið verður frá desember 2015 til 15. maí 2016.

Ábyrgðarsvið

Starfsmaður í afgreiðslu sinnir almennum afgreiðslustörfum í skíðaskálanum, sölu aðgangskorta, afgreiðslu í skíðaleigu og sjoppu. Á helgum sér hann auk þess um að elda hádegismat fyrir starfsmenn skíðasvæðis. Til viðbótar sjá starfsmenn afgreiðslu um ræstingu skíðaskálans í lok dags.

Helstu verkefni

  • Afgreiðsla í sjoppu og skíðaleigu
  • Sala aðgangskorta
  • Eldamennska
  • Ræsting
  • Þjónusta við viðskiptavini
  • Önnur tilfallandi, nauðsynleg verkefni sem yfirmaður felur viðkomandi

Menntunar- og hæfnikröfur

  • Hæfni í mannlegum samskiptum
  • Þjónustulund
  • Vera orðinn 18 ára
  • Þekking á skíðabúnaði æskilegur
  • Reynsla af afgreiðslustörfum æskileg
  • Þekking í skyndihjálp kostur

Launakjör eru samkvæmt samningum launanefndar sveitarfélaga við FOSVest/VerkVest.

Við hvetjum bæði konur og karla til að sækja um starfið.

Umsóknarfrestur er til og með 10. nóvember 2015. Allar nánari upplýsingar veitir Gautur Ívar Halldórsson forstöðumaður í síma 450-8400 eða á netfangið gauturivar@isafjordur.is

Umsóknum skal skilað til Gauts Ívars á netfangið gauturivar@isafjordur.is. Öllum umsóknum verður svarað þegar ákvörðun um ráðningu hefur verið tekin.

Gautur ═var Halldˇrsson | ■ri­judagurinn 7. aprÝlá2015

Gullpßskar ß ═safir­i 2015

Já það er ekki annað að heyra á fólki en að almennt ríki mikil ánægja með páskana 2015.

Starfsmenn skíðasvæðisins eru allavegana í skýjunum, við áttum svokallaða gullpáska, opið var alla dagana, öllum markmiðum var náð, allir viðburðir voru samkvæmt áætlun og almennt ríkti bara gleði meðal gesta skíðasvæðisins. 

Auðvitað var þó eitthvað sem hefði mátt betur fara eins og biðröð í miðasölu var heldur löng á tveim annamestu dögunum og mikið álag varð á sjoppunni á vissum tímapunktum. Skíðaleigan tæmdist reglulega en eru þetta allt punktar sem verður unnið í fyrir páska 2016. 

Það er jú því miður óhjákvæmilegt að taka á móti 1.000 gestum á dag án þess að þetta gerist á þessu svæði og að öllu gekk þetta samt bara vel, ekki er við því að búast að ekki skapist röð á vissum tímapunktum þegar álagið er eins og raun ber vitni. 

Eitt slys varð um páskana þar sem gestur okkar fótbrotnaði og vonumst við eftir skjótum bata.

En þó páskarnir séu búnir er enþá nóg af snjó hjá okkur og vonumst við til að þið haldið áfram að mæta, svona meðan sólin er hátt á lofti.

Nú hefst undirbúningur fyrir Fossavatnsgönguna og er mikil tillhlökkun hjá starfsmönnum fyrir því. 

Við viljum þakka öllum þeim sem komu að páskunum á einhvern hátt, starfsmenn, skíðafélagið, listamenn, viðskyptavinir, og allir þeir sem lögðu sitt á hönd við að gera þessa páska ógleymanlega hjá svo mörgum. 

Gautur ═var Halldˇrsson | mßnudagurinn 30. marsá2015

SkÝ­askotfimi ß SkÝrdag

Kantu á gönguskíði?

-Nei

Hefurðu skotið úr byssu?

-Nei

Frábært, þá er skíðaskotfimin einmitt fyrir þig!

 

Skíðaskotfimin er opin öllum sem náð hafa 15 ára aldri (15-18 ára þurfa þó skriflegt leyfi forráðamanns).  Í þessu móti geyma flestir keppnisskapið heima en hafa góða skapið meðferðis, enda er þetta fyrst og fremst til gamans gert.

 

Lagður er stuttur gönguhringur, 1-2 km eða svo, og fer hver þátttakandi tvo hringi. Þegar komið er inn á skotstöðina í hringnum fær fólk fimm skot til að hitta í jafn mörg skotmörk. Í fyrri hringnum er skotið úr liggjandi stöðu en úr standandi stöðu í þeim síðari. Við skotstöðina er lítill refsihringur, 50 m eða svo, sem fólk þarf að ganga fari svo ólíklega að það hitti ekki skotmarkið. Ganga þarf einn refsihring fyrir hvert skot sem geigar.

 

Þar sem það er bara pláss fyrir þrjá í einu á skotstöðinni eru þátttakendur ekki ræstir allir saman, heldur í þriggja manna hópum. Fólk gengur ekki með rifflana á bakinu, heldur eru þeir í vörslu félaga úr Skotfélagi Ísafjarðar, sem sjá um skotstöðina og hlaða vopnin. Athugið að ef fólk mætir tímanlega til leiks er oft hægt að fá að taka fáein prufuskot til að fá tilfinningu fyrir rifflunum.

 

Munið að það er alls ekkert skilyrði að vera góður á gönguskíðum eða reynd skytta til að vera með. Hjá flestum þátttakendum er þetta eina skiptið á árinu sem þeir skjóta úr byssu og það eru alls ekki alltaf hraðskreyðustu göngumennirnir sem standa sig best. Aðal atriðið er líka að brosa og hafa gaman í góða veðrinu.

 

Í hnotskurn:

Staður: Seljalandsdalur, (ekið upp frá Seljalandsvegi)

Stund: Fimmtudagur 2. apríl kl. 12:00

Þátttökugjald: Kr. 0

Skráning: Á staðnum

Ætlað: Öllum 15 ára og eldri. Athugið þó að þátttakendur á aldrinum 15-18 ára verða að hafa skriflegt leyfi forráðamanns.

Gautur ═var Halldˇrsson | fimmtudagurinn 19. marsá2015

Ëskum eftir starfsfˇlki um Pßskana

Má bjóða þér að vera í miðju aðalskemmtunarinnar um páskana. 

Okkur vantar starfsfólk í nokkur æðisleg verkefni um páskana, meðal annars lyftuvörslu og afgreiðslu. vinnutími er frá 9-18 þá daga sem opið er.

skemmtilegur starfsandi og möguleiki á meiri vinnu eftir páskana  

Nánari uppl veitir Gautur Ívar Halldórsson forstöðumaður í síma 450-8404 eða 894-2735 og á netfanginu gauturivar@isafjordur.is 

Gautur ═var Halldˇrsson | f÷studagurinn 27. febr˙ará2015

Tro­ari komin Ý lag

Troðarinn er komin í lag og lítið eftir til að eldri troðarinn komist í lag. 

Svæðið varð fyrir nokkru tjóni í veðrinu sem gekk yfir þar sem ein rúða brotnaði og mótorhlífar fuku af lyftunum. 

Mikið að nýjum snjó er komin á svæðið og því er mikil vinna framundan til að opna. 

Á morgun Laugardag stefnum við á opnun, dagurinn er samt nokkuð tvísýnn með veður að gera en við ætlum að byrja snemma í fyrramálið til að undirbúa daginn.

Stefnt er á að opna Byrjendayftu kl 10 og svo verða hinar að koma í kjölfarið eftir því hvernig hlutirnir vinnast.

Stefnt er á opnun á Seljalandsdal kl 11 og verður troðin 3,3 km hringur. vegurinn verður mokaður í fyrramálið og ræðst opnun soldið af því en stefnan er kl 11. 

smkv spám á að vera norðaustan 13-18 m/s í nótt og úrkomu, þetta á að haldast fram til um kl 8 og því þýðir lítið fyrir okkur að taka alla nótina á troðurum i slíku veðri og þess vegna næst væntanlega ekki að fullvinna svæðið enda mikið af nýjum snjó að vinna úr 

takk takk og vonumst til að sjá ykkur á morgun laugardag 

 Staðan í dag

Tungudalur:

uppl.í forsíðu

Seljalandsdalur:   

16:00

Gullhóll: Lokað
Dags: 28.mars
Uppfært: 12:10

 


Opnunardagar á tímabilinu

Tungudalur : 22
Seljalandsdalur :  71
« Mars »
S M Ů M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
Ve­ur
Seljalandsdalur - skÝ­askßli N 1 m/s, -2,0 ░C, Mesti vindur: 1 m/s, Mesta hvi­a: 1 m/s
OpnunartÝmi
  Tungudalur  
Mán           Lokað  
Þri 16:00 - 19:00  
Mið 16:00 - 19:00   
Fim 16:00 - 22:00  
Fös 14:00 - 19:00  
Lau 10:00 - 16:00  
Sun 10:00 - 16:00  

 

 

 

 

 

 

 

  Seljalandsdalur  
Mán      Lokað  
Þri 16:00 - 23:59  
Mið 16:00 - 23:59   
Fim 16:00 - 23:59  
Fös 14:00 - 23:59  
Lau 10:00 - 23:59  
Sun 10:00 - 23:59  

 

 

 

 

 

 

 

 

ATH: ekki er búið að uppfæra fyrir 2016-17

 

Vefumsjˇn